All Abt Meat ~ 本以為唔關自己事的街坊肉店

屋企附近開了一間肉店，

名字叫「All Abt Meat」。

 

店還在裝修時，

表姑媽每次路過知道是賣肉的店，

覺得關我鬼事咩！

 

之後店舖隆重開張，

隻燒乳豬好吸引。

讓鴨巴甸街變靚了，

表姑媽好欣慰。

兩年前是這樣的。

「All Abt Meat」有兩個入口，

一個在荷李活道，

另一個在鴨巴甸街。

 

開張後幾天，

第一次來到鴨巴甸街入口的店舖睇下啤酒。

 

表姑媽見識少，

在外面沒有見過茶味啤酒，

買了兩支試下，

Earl Grey不錯。

 

第二次再來買芝士及salami。

順便去荷李活道入口的另一店舖818。

 

只見店內有幾個雪櫃掛了幾舊肉，

後生靚仔店主說是甚麼甚麼，

表姑媽都是左耳入右耳出，

在本地，美國牛及澳洲牛是主流，

而此店賣的是加拿大牛。

 

店內裝修簡潔明亮，

表姑媽被邀請上閣樓坐下。

上到去閣樓，

是一個招待朋友的地方，

輕鬆地隨便飲咖啡，隨便飲啤酒，

世上竟然有這樣的地方？

 

之後整件牛肉食下，

因要解凍唔知乜乜物物，

約半小時後有得食。

嘩！入口即刻嘩嘩聲。

就算屋企冇廚房，

原來一樣有機會吃到。

又有自家製麵包，

而且吹水吹得好開心，

都係嗰句，酒逢知己千杯少，話不投機半句多。

表姑媽認同友人用「夢幻」來形容這間牛肉店確是最貼切。

友人專心聽店主的介紹。

之後友人訂了兩款牛肉打邊爐。

而宅在家的表姑媽可以做得到的只有

開支啤酒切幾粒芝士吃幾片Cold Cut。

 

本以為「關我乜事」的店，

現在差不多每次路過總要入去打下牙骹涼下冷氣。