雞功房 ~ 再踏足這餐廳的日子不遠矣

永和街世瑛大廈都有好幾間食肆，

近期行過樓下見到招牌寫住

「黃酒雞」「海南雞」「頭抽醬油雞」。

嘩！乜咁吸引！

餐廳營業時間為11:00至16:00

星期一至五，

不是放假都幾難有機會來。

終於排除萬難，

放假來到餐廳。

當時還未夠11點半，

個樣熟口熟面的餐廳負責人之一，

叫我們不如等多半個鐘，

試試頭抽醬油雞，

從來沒有人投訴過不好味的。

表姑媽說怎好意思霸住個位半粒鐘呀！

隔籬枱的四眼仔搭訕說，

我比你們早來，

都是等緊頭抽醬油雞，

加10蚊轉雞髀。

表姑媽個肚都是唔等得，

還是點了別的東西吃。

等食物時見到枱上有熟口熟面的菜脯，

再望下另一位負責人，

又是熟口熟面，

終於明白原來以前見過面。

不過菜脯從來不是表姑媽喜愛之物。

表姑媽揀客家雞酒湯麵，

配土雞蛋一隻。

坐在對面的友人揀海南雞飯。

很快一碗麵及一碟飯就搞掂了。

望下隔籬枱四眼仔碟頭抽醬油雞髀飯剛端來，

再跟對面那位四目交投，

二話不說就追加了一客頭抽醬油雞飯。

還未到12點，

很可惜雞髀就已經賣晒。

頭抽醬油雞確是名不虛傳，

成為2017年最後一啖表姑媽入口嘩嘩聲的食物，

入不入到十大就要等等。

在非常滿意之下埋單走人，

還未到12：15已排晒隊了。

事後表姑媽818餐廳的私房菜餐單。

至今已有5位朋友舉手表態有興趣，

看來再踏足這餐廳的日子不遠矣。