「麵圃」在擺花街開業一年多，
最初在信箱收到其宣傳單張，
被成舊水一碗麵嚇了一跳。
去年11月終極糧尾冇錢開飯，
有街坊伸出援手，
請表姑媽打冷兼包車接送，
當時表姑媽承諾出糧後請街坊來「麵圃」食麵，
結果經歷了11次糧頭糧尾，
表姑媽都未請街坊來食麵，
擺明側側膊，唔多覺。
某晚在金鐘睇完戲來到擺花街，
本來想再度光顧「盛八」，
可是餐廳收四百幾蚊一位，
雖則任飲任食，
個人認為貴了一點，
相對「麵圃」一舊水一碗麵冇咁重皮。
結果首度踏進「麵圃」店內，
以為行錯入去對面「G.O.D.」(住好D）。
湯有3款選擇︰
1)招牌龍蝦湯
2)醒胃酸菜湯
3)甜香鮮茄湯
2)一定不會揀
3) 沒有特色
所以揀了1)
Table Mat 顏色美麗，圖片美麗，立體咁滯。
實物不及圖片般美麗。
表姑媽揀了牛肉麵。
反正朋友不吃菠菜，
把其菠菜夾埋落自己個碗。
杞子川貝雪梨水，熱辣辣，幾好飲。
其實啤酒買一送一，
更加吸引。
叫多客鹵水雞翼。
當晚接近打烊，
除了煮麵的男士外，
另一位女士在店內一腳踢，
她很忙，但很親切。
初時以為間餐廳巴巴閉閉，
甚麼星級團隊，
正因為這位女士，
比預期感覺良好。
