好友知道表姑媽不喜歡光顧快餐店，
卻並不知箇中理由。
近日好友誠意推介「大家樂」的一個套餐，
其中包括丹麥入口的豬仔髀。
套餐以鐵板上，都不知幾多十年沒有吃過快餐店的鐵板餐，
個鐵板跟以前所見的不一樣了。
套餐可揀酥皮湯或凍檸茶，
其實我都不太肯定自己有沒有聽錯是不是凍檸茶，
皆因收銀的女士說話好似含住粒欖核，
廢事要她說多次，
萬一她口內的欖核吞了落肚就唔好啦。
個汁有茄汁及黑椒汁可揀。
表姑媽揀了茄汁。
除了主角豬仔髀，
另有一片雞扒，
甜豆及薯條。
我是不應該喝這個酥皮湯時回憶起8月初
一次偶然機會在Austin Road的「意大利餐廳」
喝的酥皮湯。
只是回憶起，沒有比較。
要是真的比較，我覺得自己好過份囉。
酥皮湯這個配角無需多說，
淪為綠葉的雞扒及薯條更不願置評。
幸好主角豬仔髀沒有令人失望，
肉質鮮嫩，甜美可口。
更令本人懷緬小時候(距今30年前左右)在
TST新世界中心地庫的
快餐店(位於商場的正中心)每逢週六都有機會吃的豬髀包(Burger)。
其實隻豬仔髀根本就可以獨當一面，
為什麼硬要找到來騎呢酥皮湯，雞扒，薯條來陪襯?
想收多十元八塊吧?!
哼!
今次餐廳成功收多十元八塊，
可是沒有機會再收本人53蚊了。
不知Sponsors有沒有喝過那個酥皮湯呢?
No comments:
Post a Comment