2021年元旦好開始

2021年由在一間新開的茶餐廳吃早餐D開始。

其實「諸勝堂」的牛肉，

甚至是沙嗲汁較好味，

 可是「諸勝堂」的早餐套餐只有半塊多士及一隻煎蛋，

個人認為點都要雙蛋較為理想。

友人聽得太多表姑媽提到「RaRe．紅館」午餐美味又抵吃，

於是約表姑媽一月一日來午餐小敍。

新年流流先來一杯cocktail賀一賀。

新的年度沙律有一點變化，

Mesclun salad 的雞肉不再是一片片，

而是切到一粒粒。

仔細一看，

雞肉的體積比起croutons更細粒。

一粒粒的話又好似較優雅，

不過對於一個麻甩婆來說，

當然喜歡大啖大啖肉。

 

朋友想吃沙律又想試下蘑菇湯，

她不怕肥。

結果餐廳不但給朋友蘑菇湯及沙律，

同樣給表姑媽蘑菇湯及沙律。

朋友不怕肥，

但表姑媽怕。

 

表姑媽主菜揀了青口Fettuccine。

記憶中青口Fettuccine曾在午餐menu出現過的，

去年一月友人好像吃過。

這客青口應該有0.75 kg，

把麵條也蓋過了。

甜品來一客即叫即做的apple crumble，

還加了芒果，

好和味。

 

之後三條友由威靈頓街行去文咸東街，

沿途買下麵包，睇下運動服飾，

來到上環安記對面的「Cottage」休息下，

表姑媽喝了今季第一杯mulled wine。

三條友今次不再講減肥，

講得多都悶，

講下近年較少提及的皮膚護理及穿衣打扮。

雖然戴了口罩接近一年，

或有一天等到不再需要戴口罩，

除下時才發現面部皮膚變差就已太遲了。

況且平時吃飯飲水都要除下口罩吧，

不要因此而不化好妝，

除非不用見人，

或食飯飲水不除口罩。

其實就算戴了口罩，

眼部附近已成為焦點，

眼腫，眼屎，眉毛一目瞭然。

朋友送了角落小夥伴的袋子給表姑媽。

是表姑媽第一份角落小夥伴的東西。

 目前表姑媽只認得隻蝦，

不過唔知其名字。

 

2021年元旦好開始。