大會堂美心皇宮 ~ 景靚點心靚點心姐姐靚

趁假期

走了去大會堂美心皇宮飲茶食點心。

久不久會光顧上環信德的美心皇宮，

反而大會堂美心皇宮不常來。

上午11點開始營業，

沒有好好排隊，

差點連靠窗的枱都冇晒。

個人認為個茶壺及熱水壺唔多靚。

點心車出來。

早響了唔想同人分享自己喜歡的東西。

整兩籠燒賣嘆下，

一人一籠。

把頭髮恤得靚一靚的點心姐姐問：

點解唔要一籠燒賣一籠蝦餃？

表姑媽答：

你唔明架啦！

表姑媽心裡嗰句：

你咪理啦！

獨食最愛。

我懶理餐廳的點心是否人手做，

也懶理工場在哪，

這一客蛋撻仔是兒時味道。

這個不是我揀的。

夾走了入面的芋頭後吃了半件。

叉燒腸粉

先吃底下嗰條

找經理入單兩款甜品。

炸鮮奶

端來時還熱辣辣。

西米布甸不是蓮蓉餡，

而是豆沙餡。

更加正！

點心姐姐說她的髮型是在髮型屋處理的，

只要晚上瞓覺時輕輕紮起，

可保持三至四天。

又想坐多陣，

最後的選擇來一客棉花雞還是雞扎？

結果揀了雞扎，

可是扎住的不是腐皮。

係咪可以走去點心車前打開個點心罩望下先至決定？

有雞肉魚肚叉燒豬肚，

好多料，

不過整體麻麻地。

景靚點心靚點心姐姐靚，

茶客心情跟住靚，

係個茶壺唔多靚。