某星期日中午，
老遠去到TST的 I-Square 睇「盂蘭神功」。
睇完戲未夠下午3點，
大熱天時覺得鬼咁凍，
原來未食午餐。
求求其其揀了「上海婆婆336」，
第一次光顧剛是一年前的七月。
話明鬼片，全套戲都陰陰暗暗，
散場之後見到太陽，
竟然覺得他親切可愛，
亦不介意被太陽兜口兜面曬到正。
在光線如此充足之下，
反而不懂如何用部相機。
是但求其的担担麵，
個麵條認真不行。
兩名酒鬼很Like這客冰鎮醉雞。
冰酒都算夠重手。
生煎包比預期好。
紅油抄手又是麻麻。
食到4點，餐廳落場，
轉場去河內道「Lulu Bar」飲番杯。
第一次踏足「Lulu Bar」，
環境充滿東南亞色彩。
光顧過隔離的「Biergarten」無數次，
每次見「Lulu Bar」總是冷清清。
傳說中一啖啤酒一啖威士忌。
雖然一星期有5天在TST，
但對星期日的TST頓感陌生，
最簡單由地鐵站行上去商場內的戲院都幾乎要問路大鄉里，
就是連食飯地方，喝酒的地方都毫無頭緒。
No comments:
Post a Comment