Bread Street ~ 計錯數收少錢

某人話如果英格蘭嬴波，

就吃一頓英國菜賀一賀。

波是圓的，
獎杯只得一個，
嬴又好輸又好，
根本就鐵定要來到Bread Street吃一頓飯慶週年。

甫坐下，

就分別與印度籍及英籍的店員輪流講波經。

都沒有認真看餐牌，

因為冇戴眼鏡唔夠眼。

Summer Menu Lunch Set
頭盤揀steak tartare。

夏日清新感覺的

Crab Mayo + Avocado

Crabmeat被塊餅隔開。

主菜揀Beef Wellington，

表姑媽都是第一次吃。

說不上特別喜歡，
可能菇味太濃吧。

個人認為「菇+牛」沒有「菇+雞」般夾。

沒有睇清個餐牌累事，
想不到出現有如肥皂般大的mashed potatoes，

食到我懵。

比起吃Prime Rib那家餐廳，
餐廳送的甜品味道算有誠意。

而餐牌內的三款甜品，
揀了white chocolate panna cotta，
　個人覺得十分麻麻。

埋單後的第二天發現餐廳收少了兩客beef wellington錢。

跟餐廳確認後，
一週後餐廳回覆的確是計錯數，
不過don't worry, your bill was settled.

有次在另一餐廳埋單時發現收少了酒錢，
法國妹服務員倒米，
說不要緊。

可能她嫌void單麻煩，
阻住佢落場。

表姑媽好少有機會光顧這類有名氣的餐廳，
不過是次經驗十分滿意 (不是因為計少我幾舊水!)。

服務員每位都十分親切，
入來餐廳及離開餐廳時，
眼前所有服務員都有眼神接觸及打招呼，
都幾似朝早10點走入去剛開門的日本百貨公司。