有人要吃潮州菜，
而且還要吃凍蟹。
表姑媽雖然食乜都唔知價，
但肯定凍蟹價值不菲，
自己又不懂欣賞，
AA制起來都幾肉赤，
分分鐘打起上來也不定。
都是揀間有信譽的餐廳，
表姑媽揀了皇后大道西的「尚興」，
服務員說三間店舖各有捧場客，
熟客是揀服務員的，
正所謂︰先生幾多位?
MARK開邊條仔?
表姑媽行路去到餐廳，
沒有司機在外等候
不是明星名媛。
服務員還是十分親切，
亦不是未坐定就建議吃凍蟹的那些黑店。
胡椒豬肚燉湯，
加辣，都幾辣的。
服務員說此汕頭菜全港只此一家。
石榴雞是表姑媽吃過最好味的，
略嫌有幾條髮菜核核突突。
問下餐廳凍蟹幾錢隻?
答: 1200至1500蚊。
一致認同不用了，
點了蒸奄仔蟹兩隻，
150蚊一隻。
有兩位吃得津津有味，
表姑媽就沒有吃了。
加多一客海蜇炒三絲。
甜品點了半打水晶包(豆沙及蓮蓉)，
個人不認為美味。
餐廳送的綠豆爽。
別怪表姑媽唔識貨，
個人認為香草綠豆沙較易接受。
飯後與一名潮州女兒提到這餐飯。
她說︰
1) 1200蚊一隻凍蟹，我整比你食呀!
2) 綠豆爽與清心丸不是一起登場嗎?
3) 「合成」有得賣清心丸，
「合成」糖水是吃過最好味的潮州糖水。
4) 甚麼汕頭菜只此一家有幾巴閉，
我天天都在吃。
5) 如表姑媽不介意，可試試父親炒的潮州麵線!
(好啊! 記得不要放蔥就是了! 表姑媽說。)
No comments:
Post a Comment