太子海鮮菜館 ~ 要食落自己個肚先至係自己

承上文「四三零與服他靈」貼文提到，

在元州街太子海鮮菜館吃义燒之際，

見隔籬碟餸好吸引，

未埋單就計劃下次再來。

適逢有朋自遠方來，

就決定再來元州街的太子海鮮菜館，

事前預訂了千層豆腐。

對於隔籬飯香，

以表姑媽為人，不會聞下就算，

一定要食落自己個肚先至係自己。

炸甘薯絲之下有鮮淮山及鮮百合，

橙黃色的是南瓜汁，

是一客純素菜。

同樣點了一客肥义燶。

除了預定千層豆腐之外，

餐廳負責人文先生推介豉椒炒蟶子，

其實豉椒炒蟶子不用預定吧。

端來預訂的豉椒炒蟶子，

之後文先生見狀後又攞走，

他說未有放米粉。

一會兒後再端來，

加上炸米粉，

蟶子被紅椒青椒遮蓋晒。

有人話要吃白灼蝦，

表姑媽就耍手拎頭。

有人叫表姑媽幫忙吃，

表姑媽說只吃一隻，

有人又叫表姑媽吃兩隻。

倒不如叫秤蝦那位比少兩隻蝦好過叫表姑媽幫忙吃兩隻。

繼續還有蒜蓉粉絲蒸扇貝出場。

今餐有海鮮，有賣相令人嘩嘩聲的純素菜，有叉燒，

表姑媽與來自遠方的朋友都是認為叉燒最好味，

我們都是食肉獸，沒錯。

是時候埋單了，

表姑媽搵來搵去都搵唔到個銀包，

於是乎又吃了餐免費飯。

(都是向搭的士搵來搵去搵唔到個銀包的人學習。)

對表姑媽來說，

地點有點遠，

否則可考慮搞下派對。

與來自遠方的朋友還吃了好幾餐，

遲下再寫。