今次是小學畢業以來 (即是39年以來)
第一次與小學六年班班主住李Sir同枱食飯。
幾位小學同學久不久會聚會，
有幾位是表姑媽的核心飯腳，
也有表姑媽的新晉飯腳。
李Sir只當過班主任兩年，
第一年教書(初出道)就成為表姑媽六年班班主住，
第二年教書是舍妹五年班班主住。
李Sir做班主任的一年，
教中文科。
或者因為得到他的教導，
表姑媽爛船都有三分釘。
記憶中李Sir送了一本短篇小說「八十日環遊世界 」給表姑媽。
表姑媽開心之際，
竟然要表姑媽做一份「閱書報告」。
當年表姑媽搞不好這是獎勵還是懲罰，
總之快快趣趣完成並交功課。
小六時表姑媽還未患上拖延症，
到了今時今日已經病入膏肓，
冇得醫了。
原來李Sir也有教過數學科的。
大概或者也許表姑媽被李Sir教過數學的話，
打好根基，
就不用搞到今時今日計數唔多掂。
(今年是2021年，1982年畢業，相隔了39年都要撳一撳計算機)
有一點表姑媽真的不明白，
班主任一般只教一至兩科，
每一天只見學生一至兩小時，
為什麼那麼了解每位學生的性格。
每年一度的家長日老師見家長時，
表姑媽覺得家長是不會對老師說真話的。
(我阿媽除外!)
* * *
限聚令下分了兩枱坐，
食物也被分了兩份才上枱，
馬蘭頭，燻蛋的氣勢大減。
燻魚
燻蛋
墨魚烤肉
砂鍋雲吞雞
燻軟雞
吃上海菜不能沒有小籠包,
高力豆沙,
還有擂沙湯圓。
李sir問大家三十多年來的成長歷程，
事前表姑媽已說好無需問本人了，
要本人用把口說出來一定冇句認真。
李sir說話夠中肯，
李sir話我們幾個同學「冇乜走樣」，
是「冇乜」走樣，而非「冇」走樣。
表姑媽連髮型都係跟小六時一樣，
連副眼鏡都差不多。
坐在一起一下子很難看得出誰是老師誰是學生，
畢竟年齡只不過相差十歲左右。
在其他社交平台見過友人的舊同學聚會，
明明是同級舊同學，
都幾大差別的。
期待下次再出來吃飯吹水，
因今次還有一名特別嘉賓未能出席。
好多謝呢個學生（表姑媽）咁主動安排我同闊別39年我嘅第一屆學生聚舊，而且安排左一個環境同食物質素都相當好嘅地方比大家相聚。
ReplyDelete見面之前以為咁耐無見，同大家吾知從何傾起，點知一坐低就好似他鄉遇故知，回憶話題同互相了解近況的話題不絕。其實當年同大家相處左一年，大家嘅性格我基本上掌握了解，不過當年好多學習細節，你地嘅校園趣事，我實在知嘅吾多。嗰晚能夠令我更加了解大家實在係一件開心嘅事。
很慚愧多年來無主動接觸關心大家，呢個實在係我嘅壞性格，即使同我一齊成長嘅中學同學或者師範同學，我亦絕少主動搵佢地聚舊。不過有機會同佢地（當然更包括今次同大家相聚）聚會，我內心都好開心，希望大家吾好怪我呢個自閉症老師。
要再次多謝表姑媽同阿珊促成今次嘅重逢，同時多謝咁多位蒙面學生抽時間比機會我想當年。
期望不久將來可以見返多啲《失散》多年嘅學生仔啊😂😂😂
居然有我份真係好開心！ 真係要多謝表姑媽…… 呢個老同學🙇♀️🙇♀️ 每次都係你悉心嘅安排飯聚。 不過今次分枱坐，真係唔夠喉同你吹水🤣 期待下次見面
ReplyDelete