0+3期間，
中學同學由星加坡回香港探親，
相約敍舊，
先飲啡，行公園，再晚飯。
足足四年沒見面，
往年每每敍舊也一起的另一位朋友也離開了四年，
今次敍舊晚飯約埋故友的媽媽一起，
聊聊往事。
第一次來到星記，
傳說中生炒骨很好味。
預訂時餐廳問表姑媽要不要杏汁花膠豬肺湯，
咁鬼貴，
開支酒好過啦。
薑蔥桶蠔大大隻，
份量也不少，
夾完再夾都未見底。
四季豆安格斯牛肉十分惹味，
四季豆亦脆卜卜。
菠蘿生炒骨確是名不虛傳。
很可惜只得兩三粒菠蘿。
大鄉里表姑媽未見識過臘腸加上豆苗，
這客臘味豆苗是表姑媽心目中的是晚冠軍。
總括來說，
以上所點的幾款菜式都是重口味。
週六晚上餐廳十分熱鬧，
服務亦很不錯。
送來的糖水不用預表姑媽了。
40年舊同學，
以前間中都會傾下溝仔，但不多。
之後傾湊仔的機會也不多。
但今次敍舊難得與故友的媽媽一起傾湊孫。
以下照片大約攝於1986年，
當年應該是由大圍踩單車至大埔，
沿途應該傾下仔經。
請教行山多過表姑媽行MALL的公司J人，
他告知後面座山應該是九龍坑山及八仙嶺。
表姑媽連九龍坑山這名字都未聽過。
是不是即是這裡？
（以下照片由友人Vincent借用）
No comments:
Post a Comment