上次8月中出席慶生飯局之後，
兩個月後再於嶺南樓設局。
縱然交通未能方便所有飯腳，
考慮到可以包廳，
唱K，
麻雀耍樂，
即管睇下有幾多人出席。
結果兩圍走唔甩。
今次19人中，
有10人8月份時出席過，
對餐廳出品有一定期待。
寫菜前與總廚溝通了好幾次。
總廚問表姑媽想要甚麼湯。
表姑媽亦好老實說湯可免則免。
不過10月下旬正是金秋時分，
可以清潤又不用太補。
寫好菜後，
把菜單轉發給飯腳時，
大家對「 菠蘿咕嚕遼參」議論紛紛，
有5人說異口同聲說：會唔會嘥咗啲遼參？
遼參大多是紅炆，
甜酸遼參確是很有新意。
當日下午4點，
飯腳陸續來到。
這邊廂有4位靚太先開枱。
那邊廂Karaoke的兩個MICs一直沒有放低過，
由4點唱到離場才放低，
由70年代電視劇主題曲開始唱。
6點半開始入席
先來四個小吃
金沙南瓜條打頭陣
黑毛豬叉燒好味，
幾想食多舊。
土匪豬手好惹味，
這個份量一點不似小吃。
風沙鮮淮山
外表與南瓜條很像，
但不及南瓜條邪惡。
牛肝黑野菌大虎蝦燴烏冬。
看來總廚對烏冬情有獨鍾，
上次吃芝士焗大虎蝦也是烏冬底的。
重口味的表姑媽，
略嫌蛋白龍躉球味道較清淡。
燉湯出場
羊肚菌螺頭燉雞
吃甜品原來是用第二個胃。
卻不太了解吃幾個菜之後飲湯，
飲湯之後為什麼還可以再繼續吃下去？
表姑媽選擇不湯不甜。
雖沒有飲湯，
但對燉過湯隻雞幾有興趣。
有條友確是喜歡吃雞。
比起蒜蓉粉絲蒸元貝更有新意，
上湯黑松露煎焗大元貝。
輪到最具爭議性的菠蘿咕嚕遼參登場。
事前考慮過咕嚕汁是否淋上去才上碟。
結果總廚選擇另上。
本人覺得幾特別，
口感有些少似肥豬肉。
超哥出場，
初時未知搞乜東東。
原來是薑蔥豉油王焗頭腩
熱辣辣十分惹味
再來每枱一隻燒鵝。
餐廳說如果只給半隻脆皮燒鵝皇不夠體面，
索性成隻上，
每枱一隻。
燒得脆脆的皮，
肉汁又鮮嫩，
奈何已沒有位置了，
否則表姑媽左手揸mic, 右手揸燒鵝髀。
超哥又再出場，
準備金瑤龍皇生炒糯米飯。
沒有臘味，
而是海鮮，
賣相及口感讓表姑媽回憶起遠古時代
京士頓街大丸家居廣場超市的蒸飯。
這一碗是走蔥版
楊枝甘露
桂花糕
今次份量太多了
謝謝餐廳台前幕後的悉心安排。
又飲又食，
你唱我和，
唔係十點打烊根本唔捨得走。
No comments:
Post a Comment