跟這個M課程小組合已經是第四年在荔枝角相聚，
絕對不是因為荔枝角的餐廳有個人之處，
而是地點就到我們三對腳。
正所謂: 唔理好醜只要就手，
就腳，更為重要，
況且不只一對腳。
今次飯聚所見，
其中一人狀態甚佳，
看來比20年前有進步，
精神上及體態上。
難得一聚，
大家都放下電話，
不是食咗乜急不及待要向其他群組報告的。
隨著年紀大，
近年每次見面都會講到身體有甚麼地方出現毛病，
今次輪到眼晴及耳朵了。
餐廳在工業大廈內，
網上正評滿載，
讓表姑媽十分懷疑。
有幾個comments都幾嚇人，
公主feel?
歐陸宮廷式設計?
不是吧!
嚇死人咩?
餐廳有2-3位店員，
沒表情，但快手快腳。
問下豬鞍的薯仔可否轉其他東西，
她用光速回覆「唔可以」。
而不是回答說: 「唔好意思，唔可以。」
還以為她會入廚房問一問，
我諗多了。
在某飲食平台訂位，
送一客starter檸檬忌廉炒蝦或一客甜品crepe。
表姑媽講明不吃甜品，
結果揀了炒蝦，
味道又不太差。
另外要多一客薯條，
表姑媽亦事先說明，
只吃兩條。
餐廳沒有酒牌，
冇酒飲。
豬鞍配桃醬，
薯仔由兩位同學分享。
份量不弱，
味道不錯，
比想像中好。
衰在朵花。
另一友人吃Lamb Chop，
香噴噴。
朵花有礙觀瞻。
原來餐廳有一個放題優惠，
只需58蚊，
任食青口及薯條。
隔籬枱年輕人吃了5-6轉青口，
每碟都頗有份量，
年輕真好。
我們視力大不如前，
但表姑媽依然堅持手機用最細字體，
不知能夠堅持到幾時?
由於表姑媽堅持只吃了兩條薯條，
不跟兩位同學仔分擔，
她們也沒有位置吃甜品了。
9點未夠埋單，
我們在門口影相時，
店員亦比我們更早離開。
今年是我們M課程入學20周年記念，
遲下又要聚聚。
No comments:
Post a Comment