龍脊畏高發軟蹄之行

這次龍脊之行是三年前大風拗之行的續集。

三年前某天見到個波波，

之後約了兩俊男行去大風拗。

以下是當年的記事:

https://billcoolma.blogspot.com/2020/05/blog-post_24.html

三年後的一天，

在柴灣又見到個波波，

與兩俊男講下講下就來到龍脊。

大約11年前，

曾有位朋友約表姑媽晨早行完龍脊再上班。

話早上五點鐘在屋企樓下等，

再搭的士去到路口行上山，

行完之後搭的士回家梳洗，

表姑媽睬佢都傻。

J人老細話由路口行上去，

大約十分鐘就去到。

結果表姑媽大約用了23分鐘，

沒辦法，

又要擔遮，又要影相，又一面行一面呱呱嘈，又嫌三嫌四。

唔係行山都唔知道自己原來極度畏高，

平時不敢玩摩天輪，從來沒有打算坐吊車，搭巴士唔會坐上層，行天橋腳軟...

行山竟不敢俯瞰風景，

其實行嚟有乜意思呢？

失策!

腳軟又手震!

手指遮了鏡頭都可以發生。

感謝兩位俊男陪伴。

其實落山的時候都是低著頭

同平時低著頭玩手機沒有分別。

同行的兩位俊男，

一位行澗多過表姑媽行mall，

一位跑步多過表姑媽行路。

發軟蹄

(照片由行澗多過表姑媽行mall的俊男所拍)

下山後

在筲箕灣東大街吃東西。

之後有荷李活道的一間麵包店見到同名的牛角包。

三年前話減多十磅八磅才去金督馳馬徑跑步，

三年後增了不只十磅八磅了。